काठमाडौं । धनकुटाको छथर जोरपाटी गाउँपालिकास्थित सिधुवा बजारको भीषण आगलागी नियन्त्रणमा आएको छ ।
बजारको काउली चोकको सन्तोष राईको घरबाट बेलुकी ७ बजेतिर सुरु भएको आगलागीले बजारका ६ वटा घरमा क्षति पुगेको जनाइएको छ । घटनामा दुई घर पूर्ण क्षति र चारमा आंशिक रुपमा क्षति भएको प्रहरीले जनाएको छ ।
आगो दुई घण्टापछि नेपाली सेना, नेपाल प्रहरी, सशस्त्र प्रहरी र स्थानीयवासीले निभाएको स्थानीयले जनाएका छन् ।
