काठमाडौं । ब्राजिलका स्ट्राइकर नेयमारले फुटबलका हस्ती पेलेको कीर्तिमान बराबरी गरेका छन् ।
कतारमा जारी विश्वकपको क्वाटरफाइनलमा क्रोएसिया विरुद्ध गोल गर्दै नेयमारले ब्राजिलका लागि सर्वाधिक ७७ गोल गर्ने कीर्तिमान बराबरी गरेका हुन् ।
नेयमारले १२४ खेल खेल्दै ७७ गोल गरे । पेलेले ९२ खेलमै ७७ गोल गरेका थिए । नेयमारले किर्तिमान बनाएपनि ब्राजिल भने क्रोएसियासँग पराजित हुँदै जारी विश्वकपबाट बाहिरिएको छ ।
