काठमाडौँ । यूइएफए युरोपा लिग अन्तर्गत म्यानचेस्टर युनाइटेडले साइप्रस को क्लब ओमोनोइयालाई पराजित गरेको छ ।
घरेलु मैदान ओल्ड टाफोर्डमा सम्पन्न खेलमा म्यानचेस्टर युनाइटेडले ओमोनोइयामाथि १-० को संघर्षपूर्ण जित हासिल गरेको हो ।
युनाइटेडको जितमा खेलको ९० मिनेटपछिको अतिरिक्त समयमा स्कट म्याकटोमिनीले खेलको एक मात्र गोल गरेका थिए ।
युरोपा लिगमा म्यानचेस्टर युनाइटेडको यो तेस्रो जित हो । ४ खेलमा ३ जित र एक हारसहित युनाइटेडको समुह इ मा ९ अंक छ र समुहमा दोस्रो स्थानमा रहेको छ ।
त्यस्तै ओमोनोइयाको भने यो लगातार चौथो हार हो ।
