काठमाडौँ । युइएफए च्याम्पियन्स लिग अन्तर्गत समुह चरणको पहिलो खेलमा लिभरपुल इटालियन क्लब नापोलीसँग स्तब्ध भएको छ ।
गएराती सम्पन्न खेलमा नापोलीले लिभरपुललाई ४-१ गोल अन्तरले पराजित गरेको छ ।
नापोलीको जितमा पिटर जिएलिन्सकीले २ गोल गरेका थिए भने आन्द्र्रे फ्रान्क जाम्बो र गिओभानी सिमोनेले एक एक गोल गरेका थिए ।
नापोलीले पहिलो हाफमा ३-० को अग्रता लिएकोमा दोस्रो हाफमा एक गोल थपेको थियो । त्यस्तै लिभरपुलका लागि लुइस डियाजले एक गोल गरेका थिए ।
त्यस्तै समुह ए अन्तर्गतको अर्को खेलमा अयाक्सले रेन्जर्सलाई ४-० गोल अन्तरले पराजित गर्दै च्याम्पियन्स लिगमा विजयी शुरुवात गरेको छ ।
समुह चरणको पहिलो खेलपछि समुह ए मा नापोली र अयाक्सले ३-३ अंक हासिल गरेका छन् ।
