काठमाडौं । एसिया कपमा श्रीलंकाले भारतलाई पराजित गरेको छ ।
दुबईमा भएको खेलमा भारतलाई ६ विकेटले पराजित गरेको हो । भारतले दिएको १७४ रनको लक्ष्य पछ्याएको श्रीलंकाले ४ विकेटको क्षतिमा १ बल बाँकी छँदै भेटाएको हो ।
भारतका लागि कप्तान रोहित शर्माले सर्वाधिक ७२ रन बनाए । पूर्वकप्तान विराट कोहली भने शुन्य रनमा आउट भए ।
श्रीलंकाका लागि पथुम निशान्काले ५२ रन बनाए भने कुशल मेन्डिजले ५७ रन बनाए । पराजित भएसँगै भारत फाइनल पुग्ने सम्भावना कमजोर बनेको छ । शुक्रबार हुने अफगानिस्तासँगको खेलमा ठुलो अन्तरले विजयी हुँदा मात्रै भारत फाइनल पुग्नेछ ।
