काठमाडौं । पहिलो एकदिवसीय खेलमा घरेलु टोली केन्याले नेपाललाई मध्यम रनको लक्ष्य दिएको छ ।
नैरोवीस्थित जिमखाना क्रिकेट मैदानमा टस जितेर ब्याटिङ थालेको केन्याले ५० ओभरमा १० विकेट गुमाउँदै २१८ रन बनाएको हो ।
केन्याका लागि रकिप पटेलले ६७ र कोलिन्स ओबुयाले ६२ रन बनाएर अर्धशतकीय इनिङ खेले । ईफ्रान करिमले ३१ तथा सचिन बुदियाले २७ रन बनाए ।
नेपालका लागि सोमपाल कामी र करण केसीले समान ३/३ विकेट लिए । आदिल आलम र पवन सर्राफले समान १/१ विकेट लिए ।
