काठमाडौँ । इटालियन सिरी ए अन्तर्गत एएस रोमाले मोन्जामाथि शानदार जित हासिल गरेको छ । गएराती सम्पन्न खेलमा रोमाले मोन्जालाई ३-० गोल अन्तरले पराजित गरेको हो ।
रोमाको जितमा पाउलो डिबालाले २ गोल गरे भने रोजर इबानेजले एक गोल गरेका थिए ।
डिबालाले खेलको १८औँ र ३२औँ मिनेटमा गोल गरेका थिए भने इबानेजले ६१औँ मिनेटमा गोल गरेका थिए ।
यो जितपछि रोमा इटालियन सिरी ए को शिर्ष स्थानमा उक्लिएको छ । रोमाको ४ खेलमा १० अंक रहेको छ ।
त्यस्तै मोन्जाले भने अहिलेसम्म खेलेका चारै खेलमा हार बेहोरेको छ ।
