काठमाडौँ । बेलायतको प्रधानमन्त्री पदको दौडमा अहिले पूर्व अर्थमन्त्री ऋषि सुनक र विदेशमन्त्री लिज ट्रसबीच कडा प्रतिस्पर्धा छ । मंगलबार दुवैबीच भएको पहिलो टेलिभिजन बहसमा विजेताको टुंगो लाग्न सकेन । बेलायतको आर्थिक नीति र कर योजनाका बारेमा दुवैबीच बहस भएको थियो ।
त्यस्तै सोमबार राति भएको बीबीसी बहसमा गरिएको जनमत सर्वेक्षणमा सुनकलाई ३९ प्रतिशत र ट्रसलाई ३८ प्रतिशतले राम्रो मत दिएका थिए । तर, एक पोलमा कन्जरभेटिभ पार्टीका ४७ प्रतिशत मतदाताले विदेशमन्त्री ट्रसको पक्षमा मतदान गरेका छन् भने ३८ प्रतिशतले सुनकको पक्षमा मतदान गरेका छन् । जनमत सर्वेक्षणमा कुल १,०३२ युके वयस्कहरूले भाग लिएका थिए । मतदाताले ऋषि सुनक र ट्रसबीचको निर्णय गर्ने अवस्थामा नरहेको पाइएको छ । एक प्रतिशत मतदाता मात्रै यी दुईबीच दुविधामा छन् ।
जनमत संग्रहको तथ्याङ्कले विपक्षी लेबर पार्टीका ४१ प्रतिशत मतदाताले ४२ वर्षीय सुनकले राम्रो काम गरेकोमा विश्वास गरेको देखाएको छ भने ३० प्रतिशतले ट्रसले राम्रो गरेको बताएका छन् । मतदान भएकामध्ये ४३ प्रतिशतले कन्जरभेटिभले सुनकलाई रोज्नुपर्ने बताएका छन् भने ४१ प्रतिशतले ४७ वर्षीय ट्रसलाई रोज्नुपर्ने बताएका छन् । सर्वेक्षण गरिएका १२ प्रतिशत मानिसहरूले कसैलाई रोजेनन् वा अभ्यासमा भाग लिएनन् ।
पूर्व अर्थमन्त्री ऋषि सुनक र बेलायतमा आगामी प्रधानमन्त्री पदका उम्मेदवार विदेश मन्त्री लिज ट्रसबीच टिभीमा भएको बहसमा चीनसँगको सम्बन्ध उचाइमा पुगेपछि दुवै उम्मेदवारबीच झडप भएको थियो । बेलायतको आर्थिक सुरक्षाका लागि चीनलाई खतराको रूपमा व्याख्या गर्दै सुनकले भने- ‘हामीले आफ्नो मूल्यमान्यताका लागि खडा हुने बेला आएको छ ।’ त्यस्तै ट्रसले भने, कसरी एक महिना अघि मन्त्रीले चीनसँग घनिष्ठ व्यापार सम्बन्धमा जोड दिएका थिए भन्ने बताएकी थिइन् ।
बोरिस जोनसनको उत्तराधिकारी हुने दुई अन्तिम उम्मेदवारहरूले टेलिभिजन बहसमा एकअर्कामाथि धेरै कडा हमला गरेका थिए । अर्थतन्त्रको मुद्दामा दुवैले एकअर्कालाई घेरेका छन् । सुनकले ट्रसलाई उनको कर कटौती योजनाले लाखौंलाई मार्नेछ र कन्जरभेटिभहरूले अर्को चुनावमा मूल्य तिर्ने आरोप लगाएका छन् । अर्कोतर्फ ट्रसले सुनकको योजनाले देशमा मन्दी ल्याउने दाबी गरेकी छन् । तीन साताअघिसम्म परराष्ट्रमन्त्री र पूर्वअर्थमन्त्री एउटै मन्त्रिपरिषद्मा थिए । एकअर्कासँग राम्रो सम्बन्ध थियो तर प्रधानमन्त्री पदको दौडमा दुवैले एकअर्कालाई आरोप प्रत्यारोप गर्दै आएका छन् ।
सुनक र ट्रसबीच एकताको दुर्लभ क्षण आयो जब एक प्रश्न युक्रेनबाट अनाज निर्यात जोगाउन रोयल नेवी पठाइने हो ? भन्ने सोधियो । यस प्रश्नको उत्तरमा दुवै उम्मेदवारले रोयल नेवी नपठाइने जवाफ फर्काएका छन् । रुस युक्रेन युद्धमा रोयल नेवी तैनाथ हुने हो कि भनेर सोध्दा ? ट्रसले भनिन्- ‘म द्वन्द्वमा बेलायतलाई प्रत्यक्ष संलग्न गराउन तयार छैन । सोही क्रममा सुनकले युक्रेनलाई आर्थिक सहयोग गर्ने कुरा सुनिश्चित गर्ने बताए ।’
सुनक र ट्रस दुबैले जीवन संकटको लागत बढ्दै गएकोले कर कटौती गर्ने वाचा गरेका छन् । तर, सुनकले आफ्ना प्रतिद्वन्द्वीहरूले तत्काल कर कटौती गर्ने वाचालाई ‘परीकथा’ भनेर खारेज गरे । उनले पहिले मुद्रास्फीति नियन्त्रणमा ल्याउनु पर्ने तर्क गरे । अर्कोतर्फ ट्रसले पहिलो दिनदेखि कर कटौती सुरु गर्ने वाचा गरेकी छन् ।
कन्जरभेटिभ पार्टीले बोरिस जोनसनको स्थानमा नयाँ प्रधानमन्त्री छान्ने प्रक्रिया अब अन्तिम चरणमा रहेको छ । यसका लागि पार्टीले अभियान जारी राखेको छ । सुनक र ट्रसबीच कडा टक्कर जारी छ । विजेता लगभग एक लाख ८० हजार टोरी सदस्यहरूद्वारा छनोट गरिनेछ । अब अर्को महिनाको सुरुदेखि हुलाक मतपत्रको प्रक्रिया सुरु हुनेछ । भोटिङ सेप्टेम्बर २ को साँझ बन्द हुनेछ र सेप्टेम्बर ५ मा विजेता घोषणा गरिनेछ ।
