काठमाडौं । कर्णाली प्रदेश सरकारको बजेट पारित भएको छ ।
असार २४ गतेदेखि सुरु भएको कर्णाली प्रदेश विनियोजन विधेयक, २०७९’ अन्तर्गत मन्त्रालयगत छलफल सकिएर मुख्यमन्त्री जीवनबहादुर शाहीले जवाफ दिएपछि बजेट पारित भएको हो ।
बजेट पारित गर्न सहयोग गरेको भन्दै मुख्यमन्त्री शाहीले सबैलाई धन्यवाद दिएका छन् । मुख्यमन्त्री शाहीले विनियोजन विधेयक सौहार्दपूर्ण वातावरणमा पारित भएको भन्दै सभामुख, उपसभामुख, सत्तापक्षका नेतासँगै विपक्षी दलका नेताहरुलाई समेत धन्यवाद दिएका हुन् ।
