काठमाडौं । गुल्मीमा जीप दुर्घटनामा परेर ६ जना घाइते भएका छन् ।
सदरमुकाम तम्घासबाट इस्मातर्फ जाँदै गरेको ग १ ज ५८८९ नम्बरको जीप रेसुङ्गा नगरपालिका वडानम्बर–४ मसिनापोखरी नजिकै दुर्घटनामा परेको हो ।
दुर्घटनामा ६ जना घाइते भएको र २ जनाको अवस्था गम्भीर रहेको जिल्ला प्रहरी कार्यालय गुल्मीले जनाएको छ ।
गम्भिर घाइते दुईजनालाई उपचारका लागि पाल्पा पठाइएको छ । अन्य घाइतेहरुको गुल्मी अस्पतालमा उपचार भइरहेको छ ।
