काठमाडौं । काठमाडौं महानगरपालिकाकी मेयर उमेदवार सिर्जना सिंहले आफूले जनताको मतको सम्मान गर्ने बताएकी छन् । राष्ट्रिय सभागृहमा भइरहेको मतगणनास्थलमा सञ्चारकर्मीसँग कुरा गर्दै सिंहले जति मत आए पनि जनताको मतको सम्मान गर्ने बताएकी छिन ।
महानगरमा उनले अझै धेरै मतगणना हुन बाँकी रहेको भन्दै अहिलेसम्मको परिणामलाई सहज रुपमा लिएको बताइन् । केही वडामा राम्रो परिणाम आउनुपर्ने भए पनि सोचेजस्तो मत नआएको उनको भनाइ छ । । उनले मतगणनापछि समीक्षा हुने उल्लेख गरेकी छिन् ।
काठमाडौं महानगरमा ६० हजारभन्दा बढी मतगणना हुँदा स्वतन्त्र उमेदवार बालेन शाहको फराकिलो मतान्तर रहेको छ ।
