काठमाडौँ । भारतमा पछिल्लो २४ घण्टामा १ हजार ५४ जनामा कोरोना संक्रमण देखिएको छ । यस अवधिमा १ हजार २५८ कोरोना संक्रमित पनि निको भएका छन् ।
स्वास्थ्य मन्त्रालयले सार्वजनिक गरेको पछिल्लो तथ्यांक अनुसार यस अवधिमा २९ जना कोरोना संक्रमितले ज्यान गुमाएका छन् ।
मुलुकमा हालसम्म कोरोना भाइरसका कूल ११ हजार १३२ सक्रिय बिरामी रहेका छन्, जुन अहिलेसम्म देखिएका कुल संक्रमितको ०.०३ प्रतिशत हो । अहिले भारतमा कोरोनाबाट मृत्यु हुनेको कुल संख्या ५ लाख २१ हजार ६ सय ८५ पुगेको छ ।
हालसम्म कुल ४ करोड २५ लाख २४ हजार ५४ बिरामी निको भइसकेका छन् ।
