काठमाडौँ । राष्ट्रिय खेलकुद परिषद् (राखेप)का सदस्य सचिवमा टङ्कलाल घिसिङ जिम्मेवारीमा फर्केका छन् ।
शेरबहादुर देउवा नेतृत्वमा सरकार गठन भएपछि तत्कालीन राखेप सदस्य सचिव रमेश सिलवाललाई बर्खास्त गरी गत मंसिरमा सरकारले घिसिङलाई सदस्य सचिव नियुक्त गरेको थियो । तर उक्त नियुक्ति खारेजीको माग गर्दै सिलवाल सर्वोच्च अदालत गएका थिए ।
सर्वोच्चले हिजो (मंगलबार) सिलवालको रिट खारेज गरेपछि घिसिङलाई जिम्मेवारीमा फर्कन बाटो खुलेको हो ।
