काठमाडौँ । न्यूजिल्याण्डमा जारी महिला विश्वकप क्रिकेटको फाइनलमा अष्ट्रेलियाले इङल्याण्डको सामना गर्ने भएको छ ।
विहिबार भएको दोस्रो सेमिफाइनलमा इङल्याण्डले दक्षिण अफ्रिकाको महिला टोलीलाई १३७ रनको फराकिलो अन्तरले हराउदै फाइनलमा पुगेपछि अब उपाधिकालाई अस्ट्रेलियासँग खेल्ने भएको हो ।
इङल्याण्डले दक्षिण अफ्रिकालाई जितका लागि २९४ रनको लक्ष्य दिएको थियो, जवाफमा दक्षिण अफ्रिकाको महिला टोली १५६ रन बनाएर आउट भएको थियो ।
अब फाइनल खेल आगामी आइतबार इङल्याण्ड र अष्ट्रेलियाबीच हुनेछ ।
अस्ट्रेलियाले यसअघि वेस्टइन्डिजको महिला टिमलाई १५७ रनले पराजित गर्दै फाइनलमा पुगेको थियो ।
अस्ट्रेलियाले अहिलेसम्म ६ पटक महिला क्रिकेट विश्वकप जितेको छ भने इङल्याण्डले चार पटक जितेको छ । इङल्याण्ड क्रिकेट विश्वकपको डिफेन्डिङ च्याम्पियन पनि हो ।
