काठमाडौं । कोभिड-१९ विरुद्धको ५५ लाख डोज खोप यही मार्चभित्र नेपाल आइपुग्ने भएको छ । चीनबाट ४० लाख डोज साइनोभ्याक र कोभ्याक्स सुविधामार्फत १५ लाख डोज फाइजर खोप नेपाल आउने हो ।
चीन सरकारले अनुदानमा दिएको ४० लाख डोज खोप लिन मार्च २५ र २७ तारिखमा नेपाल एयरलाइन्सको चार्टर्ड विमान त्यसतर्फ जानेछ ।
यस्तै, कोभ्याक्स सुविधामार्फत आउन लागेको ९२ लाख डोज फाइजर खोपमध्ये १५ लाख डोज पनि २८ तारिखमा आइपुग्ने स्वास्थ्य सेवा विभागअन्तर्गत आपूर्ति व्यवस्थापन शाखाका प्रमुख सुरेन्द्र चौरसियाले जानकारी दिए ।
पाँचदेखि ११ वर्षसम्मका बालबालिकालाई दिन मिल्ने फाइजर खोपका लागि भने स्वास्थ्य तथा जनसंख्या मन्त्रालयमार्फत प्रक्रिया अघि बढिरहेको बताइएको छ ।
