काठमाडौं । नेपालमा थप ६२ लाख डोज फाइजर खोप ल्याउने भएको छ । स्वास्थ्य सेवा विभागको व्यवस्थापन महाशाखाको आपूर्ति शाखा प्रमुख सुरेन्द्र चौरासियाका अनुसार अमेरिकी सरकारको सहयोगमा कोभ्याक्स मार्फत ६२ लाख डोज खोप नेपाल आउने भएको हो ।
अमेरिकाले प्रदान गर्ने ६२ लाख डोज खोपमध्ये १५ लाख डोज खोप यही चैत ११ गते (२५ मार्च) सम्ममा नेपाल आउने जानकारी प्राप्त भएको उनको भनाई छ ।
यस्तै बाँकी रहेका खोप भने विभिन्न चरणमा वैशाख ५ गतेभित्र अप्रिल १८ मा आउने छ । हरेक पटकमा १५ लाख डोज मात्राका दरले खोप नेपाल आउने उनले जानकारी दिए ।
अमेरिकाले थप ३० लाख डोज खोप पनि दिनसक्नेछ । नेपालमा भएका खोप भण्डारको क्षमतालाई ध्यानमा राख्दै फरक फरक समयमा मात्रा निर्धारण गरेर खोप ल्याईने उनको भनाई छ । यो खोप १२ वर्षभन्दा माथिका लागि प्रयोग गरिनेछ ।
