काठमाडौँ । युक्रेनी राष्ट्रपति भोलोडिमिर जेलेन्स्कीले रुसी सेनालाई हतियार छोडेर ज्यान बचाउन चेतावनी दिएका छन् ।
एक भिडियो बयानमा राष्ट्रपति जेलेन्स्कीले रूसी सैनिकहरूलाई हतियार छोड्न आग्रह गरेका हुन् ।
उनले भनेका छन्- ‘आफ्ना हतियारहरू त्याग्नुहोस् र यहाँबाट बाहिर जानुहोस् । आफ्ना कमाण्डरहरूलाई विश्वास नगर्नुहोस् । आफ्ना प्रचारकहरूलाई विश्वास नगर्नुहोस् । केवल आफ्नो जीवन बचाउनुहोस् ।’
राष्ट्रपति जेलेन्स्कीले युद्ध अनुभव भएका कैदीहरूलाई जेलबाट रिहा गरिने घोषणा गर्दै उनीहरुलाई देशको रक्षा गर्ने अवसर दिने बताएका छन् ।
उनले भने- ‘हामीले लिएका निर्णय नैतिक दृष्टिकोणबाट सजिलो छैनन्, तर हाम्रो रक्षाको दृष्टिकोणबाट उपयोगी छन् ।’
उनले युरोपेली संघलाई आफ्नो देशलाई तत्काल संघको सदस्यता प्रदान गर्न आग्रह गरेका छन् ।
उनले भनेका छन्- ‘हाम्रो लक्ष्य सबै युरोपेलीहरूसँग सँगै हुनु र सबैभन्दा महत्त्वपूर्ण कुरा, समानतामा हुनु हो । म पक्का छु कि यो निष्पक्ष छ । म पक्का छु कि यो सम्भव छ ।’
