काठमाडौँ । नेपाली काँग्रेसका महामन्त्री गगन थापाले नेपालको संविधानमा स्थानीय तहमा जनप्रतिनिधिको रिक्तताको कल्पना नै नगरेको बताएका छन् ।
आज (बिहीबार) ट्विटरमार्फत महामन्त्री थापाले आफूहरूले बनाएको संविधानले स्थानीय तहमा जनप्रतिनिधिको रिक्तताको कल्पना नगरेको भन्दै निर्वाचनबारे कुनै निर्णय गर्दा स्थानीय तह रिक्त भएमा त्यो असंवैधानिक हुने बताएका हुन् ।
‘हामीले बनाएको संविधानले स्थानीय तहमा जनप्रतिनिधिको रिक्तताको कल्पना नै गरेको छैन । अत: निर्वाचनबारे कुनै पनि निर्णय गर्दा स्थानीय तह रिक्त हुन पुग्छ भने त्यो असंवैधानिक नै हुन्छ‚’ उनले लेखेका छन् ।
यो सरकार असंवैधानिक कदमविरुद्धको सङ्घर्षबाट बनेकाले सरकारले गर्ने हरेक निर्णय संविधानको कसीमा सही हुनुपर्ने बताएका छन् ।
