अर्घाखाँची । अर्घाखाँकीको पाणिनी गाउँपालिकाकी उपाध्यक्ष लक्ष्मी गौतम नेपाली कांग्रेसमा प्रवेश गरेकी छन् ।
सोमबार दुर्गाफाँटमा आयोजित एक कार्यक्रममा नेकपा (एमाले)बाट निर्वाचित उपाध्यक्ष गौतमसहित २०० जना कांग्रेसमा प्रवेश गरेको नेपाली कांग्रेस पाणिनी गाउँपालिका सभापति तुल्सीराम पौडेलले जानकारी दिए ।
पार्टी प्रवेश तथा आमसभा कार्यक्रमलाई सम्बोधन गर्न नेपाली कांग्रेसका महामन्त्री गगन थापा सोमबार बिहान हेलिकोप्टरबाट अर्घाखाँची आएका थिए ।
यस्तै, कार्यक्रममा कांग्रेस नेताहरु पुष्पा भुसाल, सञ्जय गौतम, डिल्लीराम सुवेदीलगायतको पनि उपस्थिति थियो ।
