काठमाडौँ । भारतले जारी दोस्रो टेस्टमा न्यूजील्याण्डलाई ५४० रनको लक्ष्य दिएको छ । भारतले आफ्नो दोस्रो इनिंगमा ७ विकेट गुमाउदै २७६ रन बनाएर इनिंग घोषणा गर्दै न्यूजील्याण्डलाई ५४० रनको लक्ष्य दिएको हो ।
यस अघि भारतले पहिलो इनिंगमा न्यूजील्याण्डविरुद्ध २६३ रनको बढ्त बनाएको थियो ।
पहिलो इनिंगमा भारतले ३२५ रन बनाएको थियो भने न्यूजील्याण्डले आफ्नो पहिलो इनिंगमा खराब ब्याटिंग गर्दै केबल ६२ रन मात्र बनाएको थियो ।
खेलमा आजसहित अझै दुइ दिनको खेल बाँकी रहेकाले न्यूजील्याण्ड यो टेस्टमा हार उन्मुख देखिएको छ ।
५४० रनको विशाल लक्ष्य पछाएको न्यूजील्याण्डले यो समाचार तयार गरुन्जेल एक विकेट गुमाएर १३ रन बनाएको छ ।
दुइ खेलको सिरिजमा पहिलो खेल बराबरीमा सकिएको थियो ।
त्यसअघि खेलिएको टी-२० सिरिज भारतले ३-० ले जितेको थियो । यो टेस्टपछि न्यूजील्याण्डको भारत टुर सकिने छ ।
