काठमाडौं । बेलायतमा पेट्रोल संकट कम गर्न सेनाले सहयोग गर्ने भएको छ ।
ट्याङकर चालकको अभावका कारण चार दिनदेखि जारी पेट्रोल संकट कम गर्न सेना परिचालन गर्ने निर्णय भएको विविसीले जनाएको छ ।
सेनाले करिब १५० सैन्य ट्यांकर चालक उपलब्ध गराउने जनाइएको छ । पेट्रोल पम्पमा मानिसहरुको लाम लागेको छ भने कतिपय पेट्रोल पम्प बन्द गरिएका छन् ।
यसैसाता पेट्रोल पम्पमा तेल हाल्न पुगेका सर्वसाधारणका बिचमा कुटाकुट भएको थियो । बेलायतमा पेट्रोलियम पदार्थको मूल्य वृद्धि आठ वर्ष यताकै उच्च विन्दुमा पुगेको छ ।
