काठमाडौं । स्पेनको ला पाल्मा टापुमा भएको ज्वालामुखी विस्फोटबाट निस्केको लाभा समुद्री किनारमा पुगेको छ । अमेरिकी सञ्चारसंस्था सिएनएनका अनुसार करिब ९ दिनअघि भएको ज्वालामुखी विस्फोटको लाभा सोमबार बिहान समुद्री किनारसम्म पुगेको हो ।
ज्वालामुखीबाट निस्केको लाभा समुद्री किनारसम्म पुगेसँगै त्यहाँको आपतकालीन विभागले सोमबार बिहानैदेखि पूर्वी ला पाल्मा क्षेत्रमा लकडाउनको घोषणा गरेको छ ।
करिब १२५० डिग्री सेल्सियसको सो लाभा चाँडै नै एटलान्टिक महासागरमा पुग्ने अनुमान गरिएको छ । ज्वालामुखीका कारण करिब ८३ हजार जनसंख्या रहेको ला पाल्माको जनजीवन कष्टकर बनेको छ।
