काठमाडौँ । प्रस्तावित पार्टी लोकतान्त्रिक समाजवादी पार्टीका अध्यक्ष महन्थ ठाकुर र नेपाल भ्रमणमा रहेका भारतीय सत्तारुढ दल भारतीय जनता पार्टी(भाजपा)का विदेश विभाग प्रमुख विजय मुरलीधर चौथाइवालेले आज शिष्टाचार भेट गरेका छन् ।
ठाकुरसँगको भेटमा नेपाल-भारत सम्बन्ध विस्तारका बारेमा छलफल भएको चौथाइवालेले जानकारी दिएका छन् ।
चौथाइवालेले यसअघि आजै एमाले अध्यक्ष केपी शर्मा ओली र आइतबार प्रधानमन्त्री एवं नेपाली कांग्रेसका सभापति शेरबहादुर देउवासँग प्रधानमन्त्री निवास बालुवाटारमा भेटवार्ता गरेका थिए ।
