काठमाडौँ । नेपालले पपुवा न्यूगिनी (पीएनजी) सँग दुइ एकदिवसीय अन्तर्राष्ट्रिय खेल खेल्ने भएको छ ।
नेपाल क्रिकेट संघका अनुसार नेपालले पपुवा न्यूगिनीसँग ओमानमा हुने आइसीसी सीडब्लुसी लिग-२ अगाडी दुइ एकदिवसीय अन्तर्राष्ट्रिय खेल खेल्न लागेको हो ।
ओमानमा नै नेपालले भदौ २० गते (सेप्टेम्बर ५) मा पहिलो र भदौ २३ गते (सेप्टेम्बर ८) मा दोस्रो एकदिवसीय खेल खेल्ने छ ।
नेपाली राष्ट्रिय टिम हाल ओमानसहित अमेरिकासँग हुने आइसीसी सीडब्लुसी लिग-२ अन्तर्गतको त्रिकोणीय सिरिजको तयारीमा प्रशिक्षणमा रहेको छ ।
