काठमाडौं । नेपाली सेनाले पृथ्वी जयन्ती तथा राष्ट्रिय एकता दिवस भव्य रूपमा मनाएको छ ।
एकता दिवसको अवसरमा सोमबार सैनिक जङ्गी अड्डास्थित पृथ्वीनारायण शाहको शालिकमा सलामी तथा सम्मान अर्पण कार्यक्रम राखियो ।
प्रधानसेनापति पूर्णचन्द्र थापाले पृथ्वीनारायण शाहको सालिकमा सलामीका साथै पृथ्वीनारायण शाह अध्ययन केन्द्रको समुद्घाटन गरेका छन् । नेपाली सेनाले पृथ्वी जयन्ती मनाउन काठमाडौंदेखि गोरखा दरबारसम्म बाजागाजासहित पदयात्रा पनि सम्पन्न गरेको छ ।
