गाेरखा ।गाेरखाकाे सिरानचोक गाउँपालिका वडा न ४ मा निजि आवास प्रबलिकरणको तालिम संचालन भएकाे छ ।
जनार्दन पोखरेलकाे घरमा असार ०५ गते सुरु भएकाे तालिम ९ गते समापन भएकाे थियाे । तालिमकाे उद्घाटन वडा नम्वर ४ का वडाध्यक्ष दीपक हमालले गरेका थिए । कार्यक्रम उद्घाटनकाे क्रममा वडाध्यक्ष हमालले डकर्मीलाई निर्माण उपकरण समेत हस्तान्तरण गरेका थिए । वडाध्यक्ष हमलले यस्तो प्रबिधि आगामी दिनमा समेत प्रभाबकारी हुने औल्याए । कम खर्चमै हाम्रो परम्परागत घरलाई बलियो बनाउन र सुरक्षित बनाउने याे प्रबिधिकाे उनले प्रसशा गरे ।
नेपाल आवास पुननिर्माण परियोजना गोरखा सिरानचोक क्लस्टर अर्न्तगत गत वडा न ४ जैसिथोक टोलमा इन्जिनियर सुनिल पोखरेलको प्रत्यक्ष सहजीकरणमा स्थानीय १२ जना डकर्मीहरु लाई ५ दिनसम्म कार्यस्थल तालिमको रुपमा सञ्चालन गरिएको थियो । परम्परागत घरहरुलाई जगेर्ना गर्ने उद्देश्यले यस क्लस्टरमा उक्त तालिम संचालन गरिएको जानकारी सिरानचोक क्लस्टर कार्यक्रम संयोजकले जानाकारी दिए।
