काठमाडौं । फिल्म ‘मन परेसी’को शुभमुहुर्त गरिएको छ । श्रीपंचमीको अवसर पारेर राजधानीको भद्रकाली मन्दिरमा पूजा गर्दै फिल्मको मुहूत गरिएको हो । अभिनेताद्वय आकाश श्रेष्ठ र रविन्द्र झा, डेब्यु अनुहार मोनालिसा खतिवडा, प्रस्तुतकर्ता रघु परियार, लेखक तथा निर्देशक रुपेश थिङ्गतामाङ्ग र वितरक करण श्रेष्ठ सहित युनिटको मुहूर्तमा उपस्थिति रहेको थियो ।
भद्रकाली मन्दिरमा कलाकार पुजा र आकाशले स्क्रिप्टको पूजा गर्दै सफलताको कामना गरे ।
‘जय शम्भु’ फेम्ड निर्देशक रुपेश थिङ तामाङले निर्देशन गर्ने फिल्ममा आकाश र पूजासँगै बुद्दि तामाङ, रविन्द्र झा, शिशिर राणा, किरण श्रेष्ठ , लक्ष्मण श्रेष्ठ लगायतका कलाकारहरुको पनि अभिनय रहनेछ ।
लभस्टोरी र एक्सन जनरामा निर्माण हुने फिल्मको आउँदो आइतबारबाट छायांकन सुरु हुने बताइएको छ । रिच इन्टरटेनमेन्टले वितरण गर्ने फिल्मलाई अर्को वर्षको तीजमा प्रदर्शन गर्ने घोषणा गरियो ।
