काठमाडौं । नेपालमा पछिल्लो २४ घण्टामा ७८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार सोही अवधिमा एक जनाले संक्रमणबाट ज्यान गुमाएका छन् ।
मन्त्रालयका अनुसार ११४८ जनाको नमुना परीक्षण गर्दा ७८ जनामा कोरोना संक्रमण पुष्टि भएको हो ।
पछिल्लो २४ घण्टामा ५० जनालाई संक्रमण ठिक भएको मन्त्रालयले जनाएको छ । त्यस्तै अहिले सक्रिय संक्रमितको संख्या ३८३ रहेको छ । जसमध्ये २५ जना संस्थागत आइसोलेसनमा रहेका छन् भने ७ जनाको आइसीयुमा र ३ जनाको भेन्टिलेटरमा उपचार भइरहेको छ ।
