दाङ । लुम्बिनीमा आज भएको राष्ट्रिय सभा सदस्य उपनिर्वाचनमा ३०४ मत खसेको छ ।
लुम्बिनी प्रदेशको प्रदेश सभातर्फ सबै ८७ मत र पालिकातर्फ २१८ मतमध्ये २१७ मत खसेको छ ।
रुपन्देही मर्चावार गाउँपालिकाका उपाध्यक्ष आशा सिंहको मात्रै मत खस्न बाँकी रहेको मुख्य निर्वाचन अधिकृत कृपासुर कार्कीले जानकारी दिए ।
स्रोतका अनुसार उपाध्यक्ष सिंह भारत गएकाले आउन नसक्ने भएपनि मतदानको समय ३ बजेसम्म भएकोले पर्खनु पर्ने भएको छ ।
३ बजे पछि मुचुल्काको काम हुने र मतगणना हुने कार्कीले बताए ।
गणना शुरु भएको १ घण्टामै मत परिणाम आउने बताइएको छ ।
