काठमाडौँ । ब्राजिलको राष्ट्रपति पदमा लुइज इनाकियो लुला द सिल्भा विजयी भएका छन् ।
७७ बर्षिय पुर्व राष्ट्रपति लुलाले वर्तमान राष्ट्रपति जैर बोल्सोनारोलाई पराजित गर्दै राष्ट्रपतिमा निर्वाचित भएका हुन् ।
दोस्रो चरणमा भएको मतदानपछि आएको परिणाममा लुलाले ५०.८३ प्रतिशत मत प्राप्त गरे भने बोल्सोनारोले ४९.१७ प्रतिशत मत प्राप्त गरेको बिबिसीले उल्लेख गरेको छ ।
नव निर्वाचित राष्ट्रपतिले २०२३ जनवरी १ मा आफ्नो पदको शपथ ग्रहण गर्ने छन् ।
यसअघि सम्पन्न पहिलो चरणको निर्वाचनमा कुनै उम्मेदवारले ५० प्रतिशतभन्दा बढी मत प्राप्त नगरेपछि लुला र बोल्सोनारोबीच दोस्रो चरणमा प्रतिष्पर्धा भएको थियो ।
लुला दोस्रो पटक ब्राजिलको राष्ट्रपति निर्वाचित भएका हुन् । उनी यसअघि २००३ देखि २०१० सम्म ब्राजिलको राष्ट्रपति बनेका थिए ।
