काठमाडौँ । अस्ट्रेलियाले भारतविरुद्धको टी-२० सिरिजविरुद्ध विजयी शुरुवात गरेको छ ।
मंगलबार भएको सिरिजको पहिलो टी-२० खेलमा अस्ट्रेलियाले भारतलाई ४ विकेटले पराजित गर्दै सिरिजमा विजयी शुरुवात गरेको हो ।
भारतले दिएको २०९ रनको लक्ष्य पछाएको अस्ट्रेलियाले क्यामरुन ग्रीनको ६१, म्याथ्यु वाडेको अविजित ४५ र स्टिभन स्मिथको ३५ रनको मद्धतले १९.२ ओभरमा ६ विकेट गुमाउदै खेल जितेको थियो ।
यस अघि टस हारेर पहिला ब्याटिंग गरेको भारतले हार्दिक पाण्डेको अविजित ७१ र केएल राहुलको ५५ रनको मद्दतले २० ओभरमा ६ विकेट गुमाउदै २०८ रन बनाएको थियो ।
यो जितपछि अस्ट्रेलियाले ३ खेलको सिरिजमा १-० को अग्रता हासिल गरेको छ ।
अब सिरिजको दोस्रो खेल २३ सेप्टेम्बरमा नागपुरमा हुने छ ।
