काठमाडौं । नेपालमा सोमबार एकैपटक अहिलेसम्मकै धेरै कोरोना संक्रमित भेटिएका छन् । पछिल्लो २४ घन्टामा नेपालमा २सय २६ जना कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले सोमबार आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले थप संक्रमितको संख्या सार्वजानिक गरेका हुन् ।
देशका विभिन्न प्रयोगशालामा गरेको परीक्षणमा २ सय १३ जना पुरुष र १३ जना महिला रहेका छन् । संक्रमितहरू दैलेखका सबैभन्दा धेरै ४१ जना, कपिलवस्तुका ४०, सर्लाहीका ३८, जुम्लामा १९ जना, झापाका २ जना, नवलपरासीका २ जना, , सल्यानमा १० जना, सुर्खेतका ५,, रौतहटका १८, बाँकेका ७, दाङका ९, धनुषाका ७, महोत्तरीका २, मकवानपुरका १, सिरहाका ५, उदयपुरका १, अछामका १, कैलालीका १४, बैतडीका १, डोटीका १, कञ्चनपुरका १ जनामा कोरोना पुष्टि भएको देवकोटाले जानकारी दिए।
यो सँगै नेपालमा संक्रमितको संख्या १७ सय ९८ पुगेको छ ।
