एजेन्सी । कोरोना भाइरस संक्रमणको महामारीका कारण रोकिएको स्पानिस ला लिगा ११ जुनदेखि फेरि सुरु हुने भएको छ ।
११ जुनबाट सुरु हुने गरी ला लिगाले २८ औं र २९ औं चरणको लागि खेल तालिका समेत सार्वजनिक गरेको छ । नयाँ खेलतालिका अनुसार जुन ११ का दिन एक मात्र खेल हुनेछ । सेभिया र रियल बेटिसबीचको डर्बी खेल सेभियाको घरेलु मैदानमा हुनेछ ।
यस्तै अहिले अंक तालिकामा शीर्ष स्थानमा रहेको बार्सिलोनाले मालोर्कासँग जुन १३ मा खेल्नेछ भने दोस्रो स्थानको रियल मड्रिडले आइतबारसँग जुन १४ मा खेल्नेछ ।
ला लिगाले बाँकी खेल तालिकापछि सार्वजनिक गर्ने जनाएको छ । ला लिगा प्रमुख जाभियर ताबेसले जुलाई १९ मा प्रतियोगिता सकिनु अघि हप्तामा हरेक दिन खेल हुने बताएका छन् । कोरोना महामारीका कारण ला लिगा मार्च १२ बाट स्थगित भएको थियो ।
