काठमाडाैंं।लिपुलेकमा भारतीय अतिक्रमणका विरुद्धमा नेपाल विद्यार्थी संघले काठमाडौमा गरेको प्रदर्शनमा भएको प्रहरी हस्तक्षेपको नेपाली कांग्रेस भत्सर्ना गरेकाे छ । मुख्य सचिव कृष्णप्रसाद पाैडेलले विज्ञप्ती जारी गरेर उक्त घटनाकाे भत्सर्ना गरेका हुन । कालापानी लगायत अन्य स्थानमा भएकाे सीमा अतिक्रमणको बिराेधमा माईतीघर मंडलामा आयोजित बिरोध कार्यक्रमबाट प्रहरीले नेपाल विद्यार्थी संघका अध्यक्षा राजीव ढुंगानसहित एक सयभन्दा बढि विद्यार्थी नेताहरूलाइ गिरफ्तार गरेकाे थियाे ।
प्रहरीले नेविसंघका अध्यक्ष राजिव ढुंगाना, महामन्त्रीहरु प्रभात दाहाल, उर्मिला थपलिया, दिपक भट्टराई, वलदेव तिम्सिना र यूवराज पाण्डेलगायत एक सय भन्दा बढी विद्यार्थी नेताहरूलाई गिरफ्तार गरेर महेन्द्र पुलिस क्लब लगायतका स्थानमा राखिएको छ । नेपाली कांग्रेसले गिरफ्तार गरिएका विद्यार्थीहरूलाइ तत्काल रिहा गर्न माग गरेकाे छ ।
