एजेन्सी । छिमेकि देश भारतमा एकैदिन १ सय २७ जनाको कोरोना भाइरस संक्रमणबाट निधन भएको छ ।
योसंगै बुधबार बिहानसम्मको तथ्यांक अनुसार भारतमा कोरोनाका कारण ज्यान गुमाउनेको संख्या १ हजार ६ सय ९३ पुगेको छ ।
त्यस्तै विगत २४ घण्टामा थप २ हजार ९ सय ६३ जनामा संक्रमण देखिएसँगै संक्रमित हुनेको संख्या ४९ हजार ४०० पुगेको छ ।
जसमध्ये १४ हजार १४२ जना उपचारपछि निको भएका छन् । ३३ हजार ५६५ जनाको विभिन्न अस्पतालमा उपचार भइरहेको छ ।
