एजेन्सी । भारतमा काेराेना भाईरसको महामारी फैलाएको आरोपमा भारतको उत्तर प्रदेशमा तबलिगी जमातमा संलग्न ११ जनालाई जेल चलान गरिएको छ ।
उनीहरुलाई १४ दिनसम्म क्वोरेन्टाइनमा राखेपछि जेल चलान गरिएको हो । जेल चलान गरिएकाहरुमा २ जना भारतीयसहित ९ जना थाइ नागरिक छन् । उनीहरु मध्ये १ जनामा कोरोना संक्रमण देखिएको थियो ।
उनी पनि उपचार पछि निको भएका छन् । ११ जना ती जमातीहरु उत्तर प्रदेशको एक मदरसामा लुकेर रहेको अवस्थामा प्रहरीले नियन्त्रणमा लिएको हो । भारतमा अहिलेसम्म १२ सय २३ जनाकाे काेराेनाकाे कारणबाट मृत्यु भएकाे छ भने ३७ हजार २ सय ५७ जनामा संक्रमण देखिएकाे छ ।
