काठमाडाैं। कोरोना संक्रमण भएर शहिद शुक्रराज ट्रपिक तथा सरूवा रोग अस्पतालमा २७ दिनसम्म उपचार गरी पूर्ण रूपमा स्वस्थ भएर प्रसिद्धि श्रेष्ठ शनिबार घर फर्किएकी छन । नेपालको दोस्रो काेराेना संक्रमित युवती २७ दिनपछि निको भएर आज डिस्चार्ज भएकी हुन ।
चैत ९ गते कोरोना पुष्टि भएकी काठमाडौंकी १९ वर्षीया युवती टेकुस्थित शुक्रराज ट्रोपिकल तथा सरुवा रोग अस्पतालको आइसोलेसनमा वार्डमा उपचाररत थिइन् ।
उनी चैत ४ गते फ्रान्सबाट कतारको दोहा हुँदै काठमाडौं आएकी थिइन् । फ्रान्सदेखि कतारसम्म सँगै जहाजमा आएको भियतनामको साथीमा कोरोना संक्रमण पुष्टि भएपछि स्वास्थ्य जाँचका गर्दा उनकाे रिपाेर्ट पाेजेटिभ आएकाे थियाे । उनीसंगै कतार एयरवेजको जहाजमा नेपाल आएका बागलुङका दुई जना नेपालीमा पनि कोरोना संक्रमण देखिएकाे छ । उनीहरु स्पतालमा उपचाररत छन् ।
हालसम्म नेपालमा देखिएका ३० जना संक्रमितमध्ये दुई जना निको भएर घर फर्किएका छन् ।
