१.
गहिरो ताल
पौडी खेल्ने रहर
आँट गरेको
हाम फ्याली हेरेको
पाखा लाग्नै हतार ।
२.
हिमाल पारि
दु:ख कष्ट सम्झंदा
आँसुको धारा
हिउँले छोप्दा वस्ती
बाधिएको सपना ।
३.
आकास खुल्दा
प्रकृति नै हाँसेछ
समयचक्र
बलमान समय
रोकेर रोकिदैन ।
४.
पारिलो घाम
मस्तसँग निधाएँ
हल्ले छ मन
निद्राबाट झस्किंदा
उत्तानो पर्दै रोएँ ।
५.
समुन्द्री पानी
शान्त सफा देखेर
निलेको थुक
प्यास लागेको बेला
सम्झेर चित्त बुझ्दा ।
६.
चर्केको घाम
पसिनाले निथ्रुक्क
थाकेको मन
खोजेको शीतलता
गन्तव्य मरभूमी ।
७.
चिसो बतास
हिउँको ढिक्का खसी
पानीको रुप
प्रकृति नै अचम्म
घोत्लिँदै सोच्न बाध्य ।
८.
खुल्ला आकाश
सफा वातावरण
निलो रङ्गमा
बादलको झम्टाई
झटारो असिनाको ।
९.
शीतल हावा
चौतारीमा बसेर
थकान मेट्दा
स्वच्छ हावा बग्दामा
श्वास प्रश्वास स्फुर्ति ।
१०.
हिमाल हाँस्दा
पुलकित सौन्दर्य
मन नै लोभी
टल्केको उज्यालोमा
कैद बनेको दृश्य ।
११.
पानीको वर्षा
भिजेको माटो फोड्दै
टुसा उम्रेको
विरुवा बन्दै रुख
बुझेँ जीवनचक्र ।
१२.
शीतको थोपा
तपतपी चुहेर
जमिन भिज्दा
चिस्सिएको मौसम
घामको न्यानो स्पर्श ।
