लण्डन । कोरोनाभाइरस (कोभिड १९) को संक्रमणले बेलायतमा फेरि अर्का एक भूपू सैनिकको मृत्यु भएको छ । बेलायतको रेडिङ्रेरखमा बस्दै आएका ६५ वर्षीय लक्षिणबहादुर गुरुङको सोमबार बिहान निधन भएको छ । रेडिङस्थित बर्कशायर अस्पतालमा उपचारका क्रममा निधन भएको बताइएको छ ।
अस्पताल भर्ना भएपछि उनलाई कोरोनाको संक्रमण भएको पुष्टि भएको थियो । पछिल्लो १ साता उनलाई भेनिलेटरमा राखेर उपचार गरिएको थियो । गुरु ‘सिक्स जीआर डब्लुओ टू’ का रिटाएर्ड गोर्खा सैनिक हुन् ।
नेपालको कास्की जिल्लाको घान्द्रुक घर भएका गुरुङका श्रीमती र दुई छोरीहरु बेलायतमा नै बस्दै आएका थिए ।
अहिलेसम्म बेलायतमा कोरोनाकै संक्रमणबाट ६ जना पूर्व गोर्खा सैनिकको ज्यान गइसकेको छ । बेलायतमा कोरोनाबाट ज्यान गुमाउने नेपालीको संख्या भने ९ जना पुगेको छ भने बेलायतमा मात्र ११ हजार भन्दा बढीले ज्यान गुमाएका छन् ।
