ताजा समाचार

चैत २५ सम्म लकडाउन बढाउन सरकारलाई सिफारिस

संकल्पखबर

१६ चैत्र १६:३०

काठमाडौं।कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिल लकडाउनको समय अवधि बढाउन सिफारिस गरेको छ । उपप्रधानमन्त्री तथा रक्षामन्त्री इश्वर पोखरेलको संयोजकत्वमा बसेको बैठकले मन्त्रिपरिषदलाई सो सिफारिस गरेको हो । थप ७ दिन लकडाउन बढाउन सरकारलाई सिफारिस गरेको भएपनि मन्त्रिपरिषद बैठकले त्यसलाई अनुमोदन गर्नुपर्ने छ ।

आइतबार बसेको समितिको बैठकले थप ७ दिनसम्म लकडाउन बढाउनुपर्ने निष्कर्श निकाल्दै सरकारलाई सिफारिस गरेको हो । बैठकले विपन्नहरुलाई नि :शुल्क राहत वितरण बारे पनि गर्न सरकारालई सिफारिस गरेको छ । यसअघि सरकारले चैत ११ गते मंगलबार बिहान ६ बजेदेखि चैत १८ गते बिहान ६ बजेसम्मका लागि मुलुकभरका अत्यावश्यक बाहेकका सबै सेवा र सम्पूर्ण आवतजावत बन्द गर्ने निर्णय गरेको थियो । सरकारले यो सिफारिस अनुमोदन गरेसँगै चैत २५ गतेसम्मका लागि मुलुक लकडाउन हुनेछ ।