काठमाडौं । सरकारले नेपाल प्रहरीका तीन जना नायब महानिरीक्षक (डीआईजी) लाई अतिरिक्त महानिरीक्षक (एआईजी) मा बढुवा गरेको छ। केही समयदेखि रिक्त रहेकाे पदमा आइतबारको मन्त्रिपरिषद बैठकले डीआईजी तारिणीप्रसाद लम्साल, शैलेश थापा क्षेत्री र हरिबहादुर पाललाई एआईजीमा बढुवा गर्ने निर्णय गरेको हो।
लम्साल हाल सुदूरपश्चिम प्रहरी प्रमुख रहेका छन्, भने क्षेत्री केन्द्रीय प्रहरी प्रवक्ता छन् । पाल विशेष ब्युरोको कमाण्ड गरिरहेका छन्।
यसअघि एआईजीहरु पुष्कर कार्की, ठूले राई र धिरु बस्न्यातले गत माघ २८ गते अवकाश पाएसँगै तीन एआईजी पद रिक्त भएपनि बढुवा निर्णय हुन सकेको थिएन।
