एजेन्सी । विश्वव्यापी रुपमा फैलिरहेको कोरोना भाइरसको संक्रमण कुकुरमा पनि भेटिएको छ । हङकङमा हालै गरिएको एक परीक्षणमा ‘जर्मन सेफर्ड’ जातको कुकुरलाई कोरोना संक्रमण भएको पाइएको छ ।
उक्त कुकुरका मालिक कोरोना संक्रमित थिए । हङकङको आइल्याण्डस्थित पोक फु लाम क्षेत्रमा सो कुकुरलाई केही दिनअघि क्वारेन्टाइनमा राखी परिक्षण गरिएको थियो । अन्तर्राष्ट्रिय मिडियाका अनुसार हालसम्म दुई वटा कुकुरमा कोरोना संक्रमण भेटिएको छ । यस्तै, घरपालुवा जनावरलाई अंकमाल नगर्न चिकित्सकले सुझाव दिएका छन् ।
