आज संघीय राजधानीबत्राट प्रकाशित विभिन्न पत्रपत्रिकामा चीनको वुहानबाट गरिएको नेपालीको उद्धार गरी खरिपाटी क्वारेन्टाइनम राखेको खबरले सबैजासो दैनिक पत्रिकाहरूको प्राथमिकतामा परेको छ । त्यस्तै निबर्तमान सभामुख महराको बयान सकिएको, ललिता निवास जग्गा प्रकरण– आरोपित पक्राउ गर्न बाटो खुलेको खबरले पनि स्थान पाएका छन् ।
शालिन प्रतिपक्ष हुँदा पनि सरकारले केही गर्न नसकेको जिकिर कांग्रेसले गरेको छ । प्रमुख प्रतिपक्ष दल नेपाली कांग्रेसले सदनमा दुई तिहाइ बहुमत र शालीन प्रतिपक्ष हुँदा पनि सरकारले काम गर्न नसकेको भन्दै आलोचना गरेको छ । यो समाचार आजको नेपाल समाचारपत्रमा छ ।
‘तुइनबाटै गाडी’ शीर्षकमा कान्तिपुरले समाचार लेखेको छ । सरकारले देशलाई तुइनमुक्त घोषणा गरे पनि रुकुम पश्चिमको आठबीसकोट–४,मा स्थित ठूलीभेरी नदीमा भने अझै तुइन हटेको छैन ।
त्यस्तै बालुवाटारस्थित ललिता निवासको सरकारी जग्गा अतिक्रमणमा संलग्नविरुद्ध नेपाल प्रहरीको केन्द्रीय अनुसन्धान ब्युरो (सीआईबी) मा किटानी जाहेरी दर्ता भएको कान्तिपुर दैनिकमा समाचार छ । गृह मन्त्रालय मातहतको समरजंग कम्पनीका तर्फबाट आइतबार जाहेरी दिइएको हो ।
सम्पत्ति शुद्धीकरणको पत्रले व्यवसायी आतंकित भएको नागरिकमा छ भने अन्नपूर्णले वुहानको पीडा खरिपाटी आएपछि नेपालीले भुलेको लेखेको छ ।
