उदयपुर।लोकप्रिय कांग्रेस नेता नारायणबहादुर कार्की उदयपुरे जनताका एक कुशल अभिभावकका रुपमा परिचत छन्।राजनीतिलाई सेवाको रुपमा लिएर अघि बढेका कांग्रेस नेता कार्की उदयपुरको विकासमा सदैव क्रियाशील रहे । जसका कारण उनको लोकप्रियता चुलिदै गयो ।
लामो समय उदयपुर कांग्रेसको नेतृत्व गरेका कार्की दोश्रो संविधिनसभा निर्वाचन २०७० मा उदयपुर ३ बाट निर्बाचित भए । प्रतिनिधि सभा निर्वाचन २०७४ मा उनै कार्कीले उदयपुर निर्वाचन क्षेत्र नम्बर २ बाट नेपाली कांग्रेसको उम्मेदवारी पाए । प्रभावशाली र त्यस क्षेत्रका लोकप्रिय नेता कार्की चुनाव प्रचार–प्रशारको क्रममा आततायीक बम विष्फोटमा परे । बोलेरो गाडीको अगाडीको सिटमा नेता कार्की र पछिल्लो सिटमा नेबिसंघ नेतृ मिरा कटवाल थिए । विष्फोटमा परेर दुवै गम्भीर घाइते भए । कटवालको घटनास्थलमै दाहिने खुट्टा गुम्यो । २०७४ मंसिर १३ गते नेपालटारको चुनाबी सभालाई संबोधन गर्न कटारीबाट जाँदै गर्दा दनुवार बेसीमा निर्वाचन बहिष्कारवादी कम्युनिष्टको एम्बुसमा परेर कार्कीले पनि खुट्टा गुमाए ।
घटनाको स्मरण सुनाउदै कार्की भन्छन मारे बजियाहरुले भन्दै गाडीबाट उत्रिन खोजे एउटा खुट्टा नष्ट भएको र अर्को भाचिएको रहेछ । आखा पुरै बन्द भए। मलाई त बाचिन्छ होलाजस्तै लागेको थिएन । तर बाचे साथी भाईसंग भेट हुन जुरेको रहेछ । भावुकता र दरिलो आत्मा बिश्वासका साथ नेता कार्कीले भने ।
दुई बर्षसम्मको उपचारपछि गृह जिल्ला फर्किएका कार्की राजनीतिमा पुनः सक्रियता देखाउन थालेका छन । नेत कार्की २०७६ मंसिरको अन्तिम साता उदयपुर फर्किएका हुन । खुट्टा गुमाएका कार्की कृतिम खुट्टा र बैषाखीको साहारामा आफन्त ,पार्टी कार्यकर्ता र सुभेच्छुक मझ पुग्ने गरेका छन ।
विभिन्न सभामा कार्यकर्ता,शुभेच्छुक,आफन्तहरु माझ कांग्रेसभित्र मजबुत एकताको आबश्यक्ता महसुस भएको बताउने कार्की पार्टीमा एकता बिना जनतालाई न्याय नहुने ,न्याय ,स्वाधीनता र लोकतन्त्रका लागि कांग्रेस भित्र आन्तरिक एकता अपरिहार्य रहेको ठान्छन् । उनी भन्छन ‘म कांग्रेस भएकै कारणले बांच्न सफल भए सबैको सहयोग ,सद्भाव र सहानुभुतिले बांचे’ ।
बम बिस्फोटमा पर्दाको सम्झना गर्दै कार्कीले भने काठमाडौं पुग्दा सम्म दुबै आखा रहेनछ भन्ने लागेको थियो । तर डाक्टरहरूको मेहनत र परिश्रमले देख्न सक्ने भए । अहिलेसम्म एउटा आंखामा बमको छर्रा छ । देब्रे खुट्टाको गोलिगाठो फुटेको छ । मधुमेह र बुढौलीले गर्दा घाउ निको नभएका कारण अन्त्यमा खुट्टा काट्नु पर्यो । गोलिगाठो देखि पिडुला सम्म ३० ठाउँ हड्डि छेडेर स्टिल लगाईएको थियो ,खुट्टा नकाटियोस भनेर ३ वटा औला काटियो तर त्यसो गर्दा समेत उपचार संभव भएन । मिरा बैनि र मैले खुट्टा गुमायौ । ड्राइभर राजन कार्की पनि घाईते भए । राजनले दुःख र ऋण गरेर किनेको गाडिको क्षतिपुर्ति पाएनन् । यसमा आफू मर्माहत भयको उनले नेता कार्कीले पताए ।
खुट्टा गुमाए पनि हिम्मत नगुमाएको भन्दै तागत भए अर्को खुटा पनि उडाउन नेता कार्कीले चुनौति दिए । आफू कांग्रेस र लोकतन्त्रबाट पछि नहट्ने बताए । हामीलाई पंचायत फाल्न ३० बर्ष लाग्यो रुसलाई कम्युनिष्ठ फाल्न ७० लागेको भन्दै पंचायत भन्दा यिनिहरुको शासन क्रुर रहने बताए । रुसमा सिनो भएको कम्युनिष्टलाइ नेपालमा संजीबनि छरेर ब्युताइएको छ ।
कम्युनिष्टको जन्म आतकबाटै भएको छ, यो दुनियाको ईतिहासले प्रमाणित गरेको छ। लाग्न सक्छ कम्युनिस्टहरू लाई लोकतान्त्रिक शक्तिलाई बम ,बारुद र बन्दुकले सिध्याउछौ भन्ने तर, गुट , उपगुट र आन्तरिक एकताको अभावमा सकिएला ! बम बारुद र बन्दुकले कांग्रेस कहिल्यौ सकिदैन ।
लोकतन्त्रको सुरक्षा भएन भने कम्युनिष्ट ईतर शक्तिको पनि सुरक्षा नहुने भएकाले सम्पूर्ण लोकतन्त्रबादी एक हुनुको बिकल्प नरहेको कार्कीको दाबी छ ।
नेता कार्कीले भने बिस्फोटनबाट ज्यान लिन सकेनन,निर्बाचनमा मेरो बिजय सुनिश्चित थियो, तर नारायणबहादुर कार्की मरिसक्यो मरेकालाई किन भोट भनेर दुष्प्रचार फैलाए जसका कारण आफू पराजये हुन पुगे । नेता कार्कीले पराजयबाट नआत्तिएको बताउदै सधै जनताको साथ रहने उद्घोष गरे ।
२००५ साल फागुन ९ गते उदयपुर गढीमा जन्मिएका कार्कीले प्रारम्भिक तथा माध्यमिक शिक्षा पञ्चावति माबि उदयपुर गढीमै लिएका थिए । २०२० सालमा त्रि–चन्द्र कलेजबाट आइएसी गरेका कार्कीले ,स्नातक प्राईभेट र त्रिभुवन विश्व बिद्यालयबाट १ बर्षे बिएड गरेका छन ।
बैद्धिक छबीका नेता कार्की २०२३ सालबाट २०४३ सम्म शिक्षण पेसामा सँलग्न रहे । गान्धिबादी नेताका रुपमा उदयपुरमा परिचित कार्कीलाई पञ्चहरुले विभिन्न निकायको नियुक्तिको प्रलोभन दिदा समेत लोभिएनन । प्रजान्त्रप्रतिको उनको आस्था कहिलै डगमगाएन । त्योबेला म प्रलोभनमा परेको भए दाम त मसंग हुन्थ्यो होला अहिले जस्तो नाम हुदैन थियो ।
७१ बर्ष पार गरिसकेका कार्की अहिलेसम्म आफू कहिल्यै अरुको अहितमा नलागेको बताउँछन । मिजासिला, स्पष्ट बक्ता र सरल जीवन शैलिका कार्कीले भने कम्युनिष्टले देश यो अवस्था पुर्र्याए तपाईँहरु लोकतन्त्रको पक्षमा दृढ भएर लाग्नु भएन भने भोलि पालैपालो मलाईजस्तै घाइते बनाउने छन । सम्मान,भेटघाट, राजनीतिक सम्मान,सभामा व्यस्त कार्कीले पुरै समय जिल्लामा रहने संकल्पखबरलाई बताए ।
(संकल्पखबरका सहसम्पादक केदार कटवाल संगको कुराकानीमा आधारित)
