काठमाडौं । निर्देशक रामबाबु गुरुङले ‘कबड्डी’ सिरिजको अन्तिम भाग निर्माणको घोषणा गरेका छन् । उनले शुक्रबार बिहान ‘कबड्डी ४– द फाइनल म्याच’ बन्ने जानकारी दिएका हुन् ।
अहिलेसम्म ‘कबड्डी’ सिरिजका सबै चलचित्रले राम्रो व्यापार गरेको थियो ।
गत वर्ष १० करोडमाथिको ग्रस कलेक्सन गरेको चलचित्र ‘कबड्डी कबड्डी कबड्डी’लाई दर्शकले ठीकै रुचाएका थिए । ‘कबड्डी’ चौथो सिरिज वैशाखदेखि सुटिङ सुरु हुने भएको छ ।
निर्देशक गुरुङका अनुसार यसपटक कथाको अन्त्य गर्ने तयारी गरिएको छ । चलचित्र आगामी दशैंमा रिलिज गरिने बताइएको छ । चलचित्रमा केही पुराना र केही नयाँ कलाकार हुनेछन् ।
