काठमाडौं । नेपाली कांग्रेसका नेता तथा काठमाडौं क्षेत्र नम्बर १ का प्रतिनिधिसभा सदस्य प्रकाशमान सिंहले नेवारी संस्कृतिको माध्यमबाट नेपाललाई विश्वभर चिनाउनुपर्ने बताएका छन् ।
ज्यापु संस्कृति विकास कोषले १९औं राष्ट्रिय ज्यापु दिवसका अवसरमा आज (बिहिवार ) काठमाडौंमा आयोजना उनले सो बताएका हुन् । विदेशीहरुलाई नेवारी संस्कृतिको माध्यमबाट नेपाल चिनाउनुपर्ने उनको भनाइ छ । नेवारी संस्कृति नेपाललाई विश्वमाझ चिनाउने सशक्त माध्यम भएको उल्लेख गर्दै यसतर्फ सबैले ध्यान दिनुपर्ने उनले बताए ।
नेता सिंहले नेवारहरुको पहिचान नै भाषाको पहिचान भएको भन्दै नेवारी भाषालाई पनि जोड दिएर अगाडी बढाउनुपर्ने बताए । समय परिवर्तनशील छ र परिवर्तित समयअनुसार आफ्नो समुदायलाई सुहाउँदो किसिमले आफ्नो काम गर्ने तरिकामा, सोचमा, गराइमा समयको मागबमोजिम सिक्नुपर्ने र सोहीअनुसार अगाडी बढ्नुपर्ने उनले बताए । समय परिवर्तनशील भएपति पुर्खाले स्थापित गरेको मौलिक संस्कृतिलाई पनि जर्गेना गर्नुपर्ने उनले बताए । ‘हाम्रो पहिचान भनेकै भाषाको पहिचान हो । नेवारी भाषाको जोड दिएर जुन रुपमा अगाडि बढाउनुपर्ने हो त्यसमा सबै मिलेर काम गर्नुपर्छ,’ सिंहले भने, ‘यसलाई हामी सबैले महसुस गर्नुपर्छ । नेपालको संस्कृतिअनुसार विदेशीहरुले चिन्ने भनेकै नेवारी संस्कृतिबाट नेपाललाई चिनाउने सशक्त माध्यमको रुपमा अझ काम गरेर अगाडि बढ्नुपर्नेमा उनले बताए ।
