काठमाडौं । प्रधानमन्त्री पत्नी डाक्टर आरजु राणा देउवाले धनगढी उत्तरबेहडीस्थित आफ्नो निवासमा गौराको विधिवत पूजा गरेकी छन् ।
सुदुरपश्चिम प्रदेशमा मनाईने गौरापर्वका लागि उनी धनगढी पुगेको बताइएको छ । गौराको पूजाआराधनामा स्थानीय महिलाले पनि उनलाई साथ दिएका थिए ।
गौरा अर्थात् शिवकी पत्नी, हिमालयकी छोरीलाई भन्ने गरिन्छ । गौरीले कडा उपासना गरी शिवलाई पतिको रुपमा प्राप्त गरेको स्मरणमा सुदुरपश्चिममा गौरा मनाइँदै आएको छ ।
