काठमाडौं । राष्ट्रिय प्रजातन्त्र पार्टी (राप्रपा) र राप्रपा नेपालबीच राजनीतिक एकता भएको छ, जसका लागि अध्यक्ष राजेन्द्र लिङ्देख र अध्यक्ष कमल थापाबीच सहमति र समझदारीमा हस्ताक्षर सम्पन्न भएको छ।
बुधबार पुस ९ गते दुई पार्टीबीच औपचारिक रूपमा एकता गर्ने निर्णय भएको जानकारी दिइएको छ। यस सम्बन्धमा पार्टी एकता घोषणासभा पुस १६ गते राष्ट्रिय सभागृहमा आयोजना गरिने जनाइएको छ।
एकतापछि दुवै पार्टीको साझा नेतृत्व र साझा संरचनामा निर्वाचन, संगठन विस्तार र आगामी राजनीतिक रणनीतिमा केन्द्रित हुने अपेक्षा गरिएको छ। राजनीतिक विश्लेषकहरूका अनुसार यस कदमले दुवै पार्टीलाई बलियो बनाउन मद्दत पुग्ने र राष्ट्रिय राजनीति स्थायित्वतर्फ एक संकेत हुने विश्वास व्यक्त गरिएको छ।
