काठमाडौं । जसपाको महन्थ ठाकुरले आज आफूपक्षीय सांसदहरूको बैठक बोलाएका छन् । बबरमहलस्थित पार्टी कार्यालयमा दिउँसो १ बजे प्रतिनिधिसभाका निवर्तमान सांसदहरुको बैठक बोलाइएको हो ।
सर्वोच्च अदालतले अन्तरिम आदेशमार्फत आफ्ना मन्त्रीहरूलाई पदमुक्त गरिदिएपछि विकसित पछिल्लो राजनीतिक घटनाक्रमको समीक्षा र पार्टीको भावी रणनीति बनाउन बैठक बस्न लागेको जसपाका नेताले जानकारी दिए । पार्टीभित्र देखिएको विबादमा विषयमा पनि बैठकमा छलफल हुने बताइएको छ ।
जसपामा उपेन्द्र यादव पक्ष भने अर्कै मोर्चा बनाएर हिँडेको छ । यादव पक्ष विपक्षी गठबन्धनमा आबद्ध भएर केपी ओलीको कार्यशैलीविरुद्ध सडक संघर्षमा छ ।
