काठमाडौं । एमाले नेता योगेश भट्टराईले प्रधानमन्त्री एवं एमाले अध्यक्ष केपी ओलीले घनश्याम भुसाल र सुरेन्द्र पाण्डेमाथि गरेको कारबाहीलाई भद्दा मजाकको संज्ञा दिएका छन् ।
एमाले अध्यक्षको हैसियतमा ओलीले बिहीबार भुसाल र पाण्डेलाई ६ महिनाका लागि पार्टीको साधारण सदस्यसमेत नरहने गरी निष्कासन गरेका छन् । सो निर्णयप्रति आपत्ति जनाउँदै नेता भट्टराईले ‘ॠषिमुनि र बुद्धको ज्ञानभूमि अनि मार्क्सवादको उर्वरभूमि नेपालमा आजकाल ‘विद्वान, इमान्दार र नैतिकवानहरुमाथि कारबाही हुन्छ भनेर टिप्पणी गरेका छन् ।
‘ॠषिमुनि र बुद्धको ज्ञानभूमि अनि मार्क्सवादको उर्वरभूमि नेपालमा आजकाल ‘विद्वान, इमान्दार र नैतिकवानहरुमाथि कारबाही हुन्छ । मूर्ख, भ्रस्ट र अनैतिकहरु पुरस्कृत हुन्छन् । कमरेड घनश्याम र सुरेन्द्रजीमाथि त्यस्तै भद्दा मजाक गरिएको छ,’ भट्टराईले सामाजिक सञ्जालमा लेखेका छन् ।
